Real Madrid ayaa bedeli karta tababaraheeda haatan ee Carlo Ancelotti haddiiba ay qaab niyad jab leh ku dhammaysato xilli ciyaareedkan 2021-22 ee mudada koobani ka hadhay.
Real Madrid ayaa magacawday tababarihii u qaaday Champions League-ii La Decima ee 10-aad kaddib markii uu Zinadine Zidane iska casilay shaqadaas dhammaadkii xilli ciyaareedkii hore, Ancelotti ayaa dhawr mar soo silbaday balse haddana awooday inuu xilli ciyaareed guul u muuqda ilaa haatan kooxda ku hoggaamiyo.
Los Blancos ayaa sagaal dhibcood ku haya hoggaanka horyaalka La Liga halka ay wareega siddeeda ee Champions League joogaan. Guushii soo laabashada ahayd ee ay PSG kaga reebeen CL ayaa ah sumadooda xilli ciyaareedkan ilaa haatan.
Haddaba, sida uu sheegayo wargeyska Le10Sports, Real Madrid ayaa tababare u magacaabi karta halyeeyga kooxdeeda ahna macalinka da’yarteeda Castilla ee Raul Gonzlez haddiiba ay go’aansadaan inay Ancelotti diraan.
Laakiin go’aanka kaliya ee ay Real Madrid ku caydhin karto macalinka Talyaaniga ah ayaa ah inay horyaalkoodii 35-aad ku guuleysan waayaan sidoo kalena bandhigyo muuqda uga keeni waayaan Champions League.
Intaas waxa dheer in saxafi Mario Cortegana oo ka hawl-gala wargeyska Marca uu sheegayo in madaxweyne Florentino Perez uu kulan lasii qaatay Raul iyagoo ka wada hadlay suurogalnimada uu macalinka xiga ee Madrid ku noqon karo.
By Hussein Jama
March 29, 2022
