Sacuudi Carabiya ayaa xidhay dhuumaha shidaalka ee East-West, kadib weerar ay Khamiistii fuliyeen diyaarado aan duuliye lahayn. Wasaaradda Arrimaha Dibadda Sacuudiga ayaa sheegtay in diyaaradahaasi ay ka yimaadeen Ciraaq, halka dowladda Ciraaq ay bilowday baadhitaan ku saabsan weerarka.
Dhanka Yemen, Xuutiyiinta ayaa la sheegay inay la wareegeen jasiiradda Mayun, oo ku taalla gudaha marin-biyoodka istiraatiijiga ah ee Baab al-Mandab, sidoo kalena ay qabsadeen magaalada dekedda ah ee Mokha. Labadan goobood ayaa muhiim u ah isu-socodka maraakiibta iyo ganacsiga Badda Cas.
Warbixintu waxay sheegaysaa in dhaqdhaqaaqyada sii kordhaya ee Xuutiyiintu ay sare u qaadeen khatarta ku wajahan maraakiibta ganacsiga iyo dhoofinta shidaalka Sacuudiga, xilli amniga marinnada badda ee gobolka uu wajahayo cadaadis dheeraad ah.
Dhanka kale, in ka badan 46,000 oo qof ayaa toddobaadkan ku barakacay dagaallada ka socda Yemen.
By Warda
September 12, 2026
