Daaficii hore ee Premier League Jamie Carragher ayaa aaminsan in Arsenal ay tahay inay taxaddar muujiso inta ay isku dayeyso inay cadaadis saarto Liverpool marka ay labada kooxood fooda isku daraan caawa kulanka premier League ah.
Reds ayaa inta badan loo arkaa mid ka mid ah kooxaha ugu cadaadiska badan Yurub, laakiin Arsenal ayaa sidaas oo kale samaysay natiijooyin fiican kulamadii ugu dambeeyay.
Gunners ayaa cadaadis badan saartay kooxaha marka ayna kubada haysan iyaga oo ka faa’iidaysanaya orodka xiddigaha Gabriel Martinelli iyo Martin Odegaard kuwaas oo shaqo fiican qabtay.
Carragher ayaa sharaxay in rikoorka difaaca ee Gunners uu u wanaagsan yahay sida Manchester City, laakiin ay tahay inay boosas badan siiyaan kooxda Liverpool.
“Waxaan rabaa in aan fiiriyo difaaca Arsenal ilaa 11-kii kulan ee ugu dambeeyay, kaliya waxa laga dhaliyay 7 gool, waxa ay la mid tahay Man City, waxa aan sidoo kale doonayaa in aan fiiriyo cadaadiska Martin Odegaard iyo Granit Xhaka kuwaas oo ah mishiinka riixaya Arsenal marka laga hadlayo cadaadiska”.
“Mararka qaar ma fiicna in aad cadaadis badan siiso Liverpool sababta oo ah waxa ay Ku fiicantahay weerarka rogaal celiska ah iyo sida looga faa’iidaysto boosaska banaan”ayuu sii raaciyay.
By Hussein Jama
March 16, 2022
