ISBARBAR-DHIG: min lixda ciyaarood ee kusoo fool leh man City & liverpool Iyo midkooda imtixaanka adag sugayo.

Liverpool ayaa u dhowaan doonta Manchester City oo hal dhibic oo kaliya u jirsan doonta haddii ay ka badiso Arsenal habeenka Arbacada, waxaanay taasi si rasmi ah u furaysaa tartankii loogu jiray horyaalka Premier League oo noqon doona mid la isku dheggan yahay illaa dhamaadka.

Manchester City ayaa barbarro goolal la’aan ah xalay la gashay Crystal Palace, waxaana labada dhibcood ee ay lumisay ay fursad u noqonayaan Liverpool balse waa in ay ka faa’iidaystaan maadaama ay Arsenal oo si fiican iskula jaan-qaadday ugu tegayaan Emirates Stadium.

Pep Guardiola ayaa kaddib natiijadii xalay waxa uu qirtay in horyaalku furan yahay oo aanay jirin koox la odhan karayo way ugu cadcaddahay, iyaga iyo Liverpoolna ay isku fursad yihiin.

 

Haddaba waxa aanu halkan idiinku soo gudbinaynaa min lixda ciyaarood ee horyaalka Premier League ah ee ugu soo horreeya labadan kooxood. Waxa kale oo aanu ku daraynaa Chelsea oo kaalinta saddexaad fadhida, adiga ayaananu akhriste kaaga tagnay in aad ka jawaabto su’aasha ah midkooda imtixaanka adag maraya.

 

Tababare Jurgen Klopp waxa uu hayaankiisu ka bilaabmayaa Arsenal oo Arbacada habeen dambe uu u tegi doono, waxaana ugu xigi doonta Watford oo ay ku qaabbili doonaan Anfield ka hor inta aanay u safrin Etihad Stadium oo ay kooxda ay horyaalka isku haystaan kusoo kala adkaan doonaan bisha dambe ee April. Waxa kale oo ay la ciyaari doontaa Aston Villa, Everton iyo Newcastle.

Kulamada Liverpool

Arsenal (A) – March 16

Watford (H) – April 2

Manchester City (A) – April 10

Aston Villa (A) – April 16

Everton (H) – April 23

Newcastle (A) – April 30

 

Manchester City waxay kulankeeda ugu horreeya horyaalka ciyaari doontaa bisha dambe ee April oo ay u tegi doonto Burnley ka hor inta aanay soo dhoweyn Liverpool. Waxay u bixi Wolves kaddibna Watford ayay soo dhoweyn doontaa. Leeds United iyo Newcaslte United ayaa ugu sii xigi doona

 

Kulamada Man City

Burnley (A) – April 2

Liverpool (H) – April 10

Wolves (A) – April 16

Watford (H) – April 23

Leeds United (A) – April 30

Newcastle United (H) – May 7

 

Kulamada lixda ah ee kusoo aaddan Chelsea

Newcastle United (H) – March 13

Brentford (H) – April 2

Southampton (A) – April 9

Leeds United (A) – April 16

West Ham United (H) – April 23

Everton (H) – April 30