Shan dal oo Afrikaan ah ayaa laga xaqiijiyay in ay cidhibtireen faafitaanka cudurka dabaysha, sida ay sheegtay Hay’adda Caafimaadka Adduunka ee WHO.
Dalalkaasi ayaa kala ah Burundi, Ghana, Guinea-Bissau, Jamhuuriyadda Dimuqraadiga Kongo iyo Uganda. Qiimayn caafimaad oo madax-bannaan ayaa lagu sameeyay dalalkaas intii u dhaxaysay Janaweri iyo Juun 2026.
WHO waxay sheegtay in gudbinta fayraska dabaysha nooca labaad la cidhibtiray, kadib tallaallo, dabagal caafimaad iyo baadhitaanno shaybaadh oo la xoojiyay.
Si kastaba ahaatee, WHO waxay xustay in guushani aysan ka dhignayn in khatarta dabayshu gabi ahaanba meesha ka baxday, sidaas darteed tallaalka iyo dabagalka cudurku yahay in la sii wado.
By Warda
August 26, 2026
