Hargeysa: Laba Caruur ah ayaa ku geeriyooday Dab haleelay Guri Jiingad ah oo ku yaalla Xaafadda Barakacayaasha ee Kaam Digaale oo ku taalla duleedka Koonfureed ee Degmada Maxamed Mooge.
Arrinta murugada leh ayaa ahayd in Caruurtan guriga dusha lagaga xidhay isla markaana uu dabku haleelay iyaga oo aanay cidi la joogin.
Caruurtan oo Da’doodu kala ahayd 2 Sanno jir iyo 4 jir waxa ay Ciidanka Dab-demisku Maydki Caruurtaas ku wareejiyeen Ciidanka Booliska gaar ahaan laanta Dambi baadhista ee CID.
Ciidanka Dab-demiska iyo Samatabixinta JSL waxa ay tacsi tiiraanyo leh u dirayaan Qoyska iyo Waalidiinti ay ka baxeen labada Caruurta ah in Samir iyo iimaan saadiq ah Alle haka siiyo Aamiin.
Ciidanka Dab-demisku waxa ay si adag bulshada uga digayaan in Caruurta yar-yar guryaha dusha lagaga xidho si looga hortago masiibada dabka loona ilaaliyo badqabka caruurta.
Warbaahinta Ciidanka Dab-demiska JSL
990 Emergency Call
By Warda
August 19, 2026
