Markii ay Leo Messi & Cristiano Ronaldo ka tageen kooxohooda suuqii xagaaga waxa ay doonayeen in ay u tartamaan koobka champions League.
Laakiin kadib markii ay ku biireen kooxo kale waxa cadaatay in uuna midkoona ku jirin heerkii ay ku jireen markii hore.
Todobaadkii hore Lionel Messi ayaa macasalaameeyay tartanka champions league kadib markii ay Real Madrid garaacday kooxdiisa halka Xalay uu Cristiano Ronaldo ka hadhay tartanka kadib markii ay Atletico Madrid garaacday kooxdiisa.
Arintan ayaa ah mid aan horay ugu dhigin labada xiddig ee lagu tilmaamo kuwa ugu fiican adduunka qarniga 21-aad waliba ku guulaystay abaalmarinaha ugu badan ee shaqsiga ah.
Xilli ciyaareedkii 2-aad oo xidhiidh ah ayay labada xiddig wareega 16-ka champions League kaga hadheen tartanla taas oo muujinaysa in ay gaadheen wakhtigii ay hoos u socdeen xirfadooda ciyaareed.
Fursadihii ku guulaysiga labada xiddig ee tartanka champions league ayaa u muuqda mid aan dhici doonin iyada oo laga yaabo in uu xilli ciyaareedkan noqon karo midkii ugu dambeeyay ee ay fursad u heli kareen tartanka.
By Hussein Jama
March 16, 2022
