Wasiirka waxbarashada
iyo Sayniska ee Jamhuuriyada Somaliland ayaa beeniyey wararka sheegaya
wasaaradda ay ka baxsadeen agasime-waaxeedyo uu hantidhawrka guud ee qaranku
dabagal iyo baadhis ku wado. Isaga oo sheegay in aanu haynin wax war ah oo
sheegaya in cidi ay wasaaraddiisa ka maqantahay.
Wasiir Cimaan Jaamac
Aadan waxa uu qiray in maalmihii u dambeeyey uu hantidhawrku shaqo baadhis ah
ka waday wasaaradda qaybo ka mid ah xafiisyadeedana uu quful ku xidhay, kana
codsaday in aanay cidi gelin inta ay baadhistu dhammaanayso, dalabkaas oo uu
sheegay in masuuliyiinta wasaaradduna ay tixgelisay, kuna dhaqmeen.
Mudane Cismaan oo
Khamiista 3-da Oktoobar warbaahinta kula hadlay magaalada Hargeysa, waxa kale
oo uu ka hadlay khilaafkii dhowaan soo dhexgalay wasaaradda iyo dugsiyada
gaarka loo leeyahay, isaga oo beeniyey wararka sheegaya in wasaaraddu ay
dugsiyo ka mid ah si gaar ah u bartilmaameedsatay. Isaga oo intaas ku daray in
wasaaraddu ay keliya ka shaqaynayso in ay dugsiyada ku hoggaamiso xeerka
waxbarashada, sababta khialafka u dhexeeya dugsiyada gaarka loo leeyahayna ay
tahay toosinta wasaaradda oo ay ka dhego adaygayaan.
Wasiirka
oo ka hadlayey tayada macallimiinta dugsiyada dawladda ayaa sheegay in ay
wasaaradda waxbarashada iyo saynisku ay macallimiinta dugsiyada dawladda u
furtay jaamacad ay ku kobciyaan aqoontoodda.
By Hussein Jama
October 4, 2019
