Beledweyne – CBATV- Wararka naga soo gaaraya magaalada baladweyne ee xarunta gobolka Hiiraan ayaa kusoo soo waramayaa inuu xirmay garoonkii diyaaradaha Ugaas Khaliif Kadib Roob Xoogan Oo Saacadihii La Soo Dhaafay Halkaasi Ka Da’ay
Goobjoogayaal Ku Sugan Baladweyne ayaa soo sheegaya in Gebi ahaan uu xirmay Garoonka diyaaradaha, isla markaana gudaha Garoonka ay buux dhaafiyeen biyihii ka hooray roobka isla markaana aysan jirin wax shaqo ah oo maanta garoonka ka socota
Wararka ayaa intaasi ku daraya in Webiga Shabeella uu fatahaad ku sameeyay Xaafado ka tirsan Baladweyne waxaana barakac mar kale ka bilowday Xaafadihii uu ku fatahay Webiga Shabeelle.
Dadka ka abarakacay fatahaada ayaa la sheegay in qaar kamid ah Guryahooda ay dhex fadhiyaan biyo badan, kuwaasi oo ka hooray roobabkii saacadihii la soo dhaafay Baladweyne
Si kastaba Garoonka diyaaradaha ee magaalada Baladweyne ayaa dhowr jeer xirmay, iyadoona ay xusid mudan tahay in kal hore uu sameeyay fatahaadii ka dhacday halkaas iyo roobab hore ee ka da’ay magaaladda baladweyne iyo nawaaxigeeda
By Hussein Jama
December 9, 2019
