𝗦𝗶𝘆𝗮𝗮𝘀𝗮𝗱𝗱𝗮 𝗠𝗮𝘀𝗮𝗿 𝗲𝗲 𝗹𝗮𝗯𝗮 𝘄𝗮𝗷𝗶𝗶𝗹𝗮𝘆𝗻𝘁𝗮 𝗮𝗵: 𝗫𝗶𝗱𝗵𝗶𝗶𝗱𝗵𝗸𝗲𝗲𝗱𝗮 𝗜𝘀𝗿| 𝗶𝘆𝗼 𝗱𝗶𝗶𝗱𝗺𝗮𝗱𝗲𝗲𝗱𝗮 𝗷𝗶𝗿𝗶𝘁𝗮𝗮𝗻𝗸𝗮 𝗦𝗼𝗺𝗮𝗹𝗶𝗹𝗮𝗻𝗱:-

Masar ayaa si adag uga hortimid aqoonsiga iyo jiritaanka Somaliland, Hase yeeshee, doodda Masar waxay dhalisay su’aal weyn oo ku saabsan munaafiqnimadeeda siyaasadeed marka la eego xidhiidhka dhow ee Masar iyo Israa’iil—gaar ahaan heshiisyada gaasta iyo tamarta oo ka badan 30bilyan oo doollar.

Masar iyo Israa’iil waxay wadaagaan heshiisyo istiraatiiji ah oo waaweyn: Sida: gaaska Bariga Badda Mediterranean-ka, dhoofinta Gaasta, iyo iskaashi dhaqaale oo toos ah. Israaiil waxay ka mid tahay ilaha ugu muhiimsan ee Masar ee dhinaca tamarta, Taasina waxay muujinaysaa in Masar si dhab ah ula shaqayso Israa’iil marka ay danteedu ku jirto.

Haddana, isla Masar ayaa diidaysa in Somaliland—oo ah jamhuuriyad leh xasillooni, doorashooyin iyo amni—ay yeelato xidhiidh diblomaasiyadeed oo la mid ah kan ay Masar la leedahay Israa’iil. Tani waxay kashifaysaa laba-wejiilenimadeeda: hal dhinac Masar waxay Israa’iil kula macaamishaa dan dhaqaale, dhinaca kalena waxay dal kale ugu dudaysaa xidhiidh la mid ah ka iyadu la leedahay oo kale”.

Sababta dhabta ah ee diidmada Masar ma aha wax sharci caalami ah ku fadhiya laakiin; waa dan istiraatiiji ah: waana cabsida saameyn cusub oo Badda Cas ah, iyo Somaliland saamayn ku yeelato isu-dheellitirnaanta awoodda gobolka. Sidaas awgeed, arrintu ma aha mabda’ iyo islaamnimo Laakiin—waa dan la xusho cidda loo oggol yahay, cid kalena laga hor istaago.

CBA TV