𝐖𝐚𝐬𝐚𝐚𝐫𝐚𝐝𝐝𝐚 𝐌𝐚𝐚𝐥𝐢𝐲𝐚𝐝𝐝𝐚 𝐉𝐒𝐋 𝐎𝐨 𝐒𝐢 𝐑𝐚𝐬𝐦𝐢 𝐀𝐡 𝐔 𝐥𝐚 𝐖𝐚𝐫𝐞𝐞𝐠𝐭𝐚𝐲 𝐃𝐚𝐤𝐡𝐥𝐢𝐠𝐚 𝐊𝐚𝐚𝐝𝐡𝐤𝐚 𝐃𝐡𝐚𝐥𝐚𝐬𝐡𝐚𝐝𝐚, 𝐑𝐮𝐪𝐬𝐚𝐝-𝐒𝐢𝐢𝐧𝐭𝐚 𝐇𝐮𝐛𝐤𝐚 𝐅𝐮𝐝𝐮𝐝 𝐢𝐲𝐨 𝐑𝐮𝐪𝐬𝐚𝐝-𝐬𝐢𝐢𝐧𝐭𝐚 𝐒𝐡𝐢𝐫𝐤𝐚𝐝𝐝𝐚𝐡𝐚 𝐍𝐚𝐛𝐚𝐝𝐠𝐚𝐥𝐲𝐚𝐝𝐚.

𝐇𝐚𝐫𝐠𝐞𝐢𝐬𝐚 𝟐𝟐 𝐉𝐚𝐧𝐮𝐚𝐫𝐲, 𝟐𝟎𝟐𝟔 {𝐖𝐌&𝐇𝐃𝐡}-
Wasaaradda Maaliyadda iyo Horumarinta Dhaqaalaha JSL ayaa maanta si rasmi ah u la wareegtay dakhliyo ay hore u maamuli jireen Wasaaradda Arrimaha Gudaha iyo Amniga, iyo Dawladda Hoose ee Hargeysa, tallaabadan oo qayb ka ah hirgelinta nidaamka mideynta maamulka dakhliga Dawladda.
Munaasabadda wareejinta ayaa ka dhacday Xarunta-dhexe ee Wasaaradda Arrimaha Gudaha, waxaana goob-joog ka ahaa Wasiirka Wasaaradda Maaliyadda iyo Horumarinta Dhaqaalaha, Wasiirka Arrimaha-gudaha iyo Amniga, Hanti-dhawraha Guud ee Qaranka, Agaasimaha Guud ee Wasaaradda Maaliyadda, Duqa Caasimadda Hargeysa, Guddoomiyaha Gobolka Maroodi-jeex, Guddiga Farsamo ee ka shaqaynayey soo wareejinta dakhliyadii ay hore u qaban jireen hay’addaha Dawladda qaarkood, masuuliyiin iyo saraakiil ka kala socday labada Wasaaradood.
Dakhliyada maanta ay la soo wareegtay Wasaaradda Maaliyadda iyo Horumarinta Dhaqaaluhu waxa ka mid ah:
●𝐃𝐚𝐤𝐡𝐥𝐢𝐠𝐚 𝐤𝐚 𝐬𝐨𝐨 𝐱𝐚𝐫𝐨𝐨𝐝𝐚 𝐛𝐢𝐱𝐢𝐧𝐭𝐚 𝐊𝐚𝐚𝐝𝐡𝐤𝐚 𝐃𝐡𝐚𝐥𝐚𝐬𝐡𝐚𝐝𝐚;
●𝐃𝐚𝐤𝐡𝐥𝐢𝐠𝐚 𝐤𝐚 𝐬𝐨𝐨 𝐱𝐚𝐫𝐨𝐨𝐝𝐚 𝐫𝐮𝐪𝐬𝐚𝐝-𝐬𝐢𝐢𝐧𝐭𝐚 𝐡𝐮𝐛𝐤𝐚 𝐟𝐮𝐝𝐮𝐝.
●𝐃𝐚𝐤𝐡𝐥𝐢𝐠𝐚 𝐤𝐚 𝐬𝐨𝐨 𝐱𝐚𝐫𝐨𝐨𝐝𝐚 𝐁𝐢𝐱𝐢𝐧𝐭𝐚 𝐑𝐮𝐪𝐬𝐚𝐝𝐝𝐚𝐡𝐚 𝐒𝐡𝐢𝐫𝐤𝐚𝐝𝐝𝐚𝐡𝐚 𝐍𝐚𝐛𝐚𝐝𝐠𝐚𝐥𝐚𝐲𝐚𝐝𝐚.
Talaabadan oo ah mid hore loogu qaaday dhinaca maamul-wanaaga gaar ahaan xoojinta isla-xisaabtanka, daah-furnaanta iyo hufnaanta hanaanka maamulka dakhliga dawladda, waxa ay sidoo kale qayb ka tahay fulinta wareegto madaxweyne oo lagu faray in Hay’addaha Dawladda ee qabta dakhliyada aan soo marin Wasaaradda lagu soo wareejiyo gacanta Maaliyadda.
=𝑾𝒂𝒃𝒊𝒍𝒍𝒂𝒂𝒉𝒊 𝑻𝒂𝒘𝒇𝒊𝒊𝒒=