Afhayeenka xisbiga wadani ee
Somaliland Garyaqaan barkhad jaamac batuun Ayaa sheegay in shirkii golaha dhexe
ee KULMIYE labada maalmood magaalada Boorama uga socday uu gawracay sharaftii
iyo habyaddii dawladda Somaliland, sida uu hadalka u dhigay.
Afhayeenka oo Arbaca 27 feb
warbaahinta kula hadlayay xaruunta dhexe ee xisbiga mucaaradka ah ee WADDANI
Ayaa sheegay in Ay tahay taariikhda markii ugu horaysay ee ay xarumaha dawladda oo
dhami aaruq noqdaan, shir uu xisbiga talada hayaa qabsanayo awgii.
Garyaqaann Barkhad Jaamac Batun waxa
uu si gaar ah u xusay masuuliyiin shaqaale dawladeed ah oo sida uu sheegay aan
sharci ahaan xaq u lahayn in ay shirarka siyaasiga ah ee xisbiyada ka
qaybgalaan. Isaga oo soo bandhigay. Masuuliyiintaas uu sheegay in si kedis ah
shirka loogu dhex arkay iyaga oo calanka xisbiga KULMIYE ku jeeni-qaaran. Waxa
aanu ku tilmaamay bahdil loo geystay hay’adaha kala duwan ee dawladda.
Dhinaca kale afhayeenka WADDANI waxa
uu naqdiyay khudbadii uu madaxwayne Biixi ka jeediyey magaalada Borama oo uu
sheegay in uu ka muuqday in aanay jirin cid madaxweynaha ka faafreebta hadallada
u jeedinayo. Taasina ay tahay calaamadaha keli-talisnimada. Sida uu hadalka u
dhigay.
By admin
February 28, 2019
