Maraykanka oo doonaya inuu qabsado Dhulweynaha greenland

Xiisad diblomaasiyadeed oo cusub ayaa ka dhalatay magacaabista Maraykanku u sameeyay wakiil gaar ah oo u qaabilsan Greenland, tallaabo ay si adag uga horyimaadeen Denmark iyo maamul hoosaadka Greenland.

Ra’iisul Wasaaraha Greenland ayaa sheegay in iskudaygan lagu doonayo in Greenland lagu wareejiyo aanu marnaba ahayn mid la aqbali karo, isagoo xusay in mustaqbalka Greenland ay go’aaminayaan dadkeeda oo keliya. Denmark ayaa iyaduna ku celisay in Greenland ay leedahay is-maamul, islamarkaana aan lagu heli karin cadaadis dibadeed.

Mas’uuliyiintu waxay sheegeen in magacaabista wakiilka Maraykanka aan lagala tashan, taas oo dhalisay walaac ku saabsan xidhiidhka labada dhinac. Midowga Yurub ayaa taageero u muujiyay Denmark iyo Greenland, iyagoo ku adkeeyay in madax-bannaanida dhulalka Yurub aan laga gorgortami karin.

Arrintan ayaa kusoo beegantay xilli cidhifka dunida ee Artic-ga noqday goob ay quwadaha waaweyn ku tartamaan, sababo la xidhiidha amniga, iyo kheyraadka dabiiciga ah ee gobolka.