𝐖𝐚𝐫𝐞𝐞𝐠𝐭𝐨 𝐌𝐚𝐝𝐚𝐱𝐰𝐞𝐲𝐧𝐞

Magacaabid
Markii aan arkay: Qoddobka 90aad ee Dastuurka Jamhuuriyadda Somaliland;
Markii aan arkay: Aqoontooda, kartidooda, iyo waayo-aragnimadooda;
Markii aan tixgeliyey: Ahmiyadda ay Xilalkani u leeyihiin u adeegidda dadweynaha Jamhuuriyadda Somaliland iyo dhismaha Qaranka;
Markii aan ku qancay: In ay hanan karaan mas’uuliyadaha ka dhalanaya xilalkan hoos ku xusan;
Markii aan sameeyey: La-tashi;
𝐖𝐚𝐱𝐚 𝐚𝐚𝐧 𝐠𝐨’𝐚𝐚𝐦𝐢𝐲𝐞𝐲;
laga bilaabo taariikhda maanta:
𝟏. In Cabdirashiid Xasan Mataan uu ahaado Guddoomiyaha Gobolka Awdal.
𝟐. In Cabdiqani Maxamuud Caateeye Fariid uu ahaado Guddoomiyaha Gobolka Saaxil.
𝟑. In Maxamuud Raage Ibraahin Guuleed uu ahaado Guddoomiyaha Gobolka Sanaag.
𝟒. In Cabdiraxmaan Maxamed Cabdi (Herer) uu ahaado Guddoomiyaha Gobolka Daadmadheedh.
𝟓. In Cabdi Siciid Faahiye Allaale oo ahaa Guddoomiyihii Hore ee Gobolka Salal uu ahaado Xubin ka tirsan Guddida Tacliinta Sare ee Jamhuuriyadda Somaliland.
𝟔. In Proff Axmed Cabdillaahi Maxamed (Dhegayare) oo ahaa Guddoomiyihii hore ee Gobolka Saraar uu noqdo Guddoomiyaha cusub ee Gobolka Salal.
𝟕. In Cabdiraxiin Muxummad Axmed oo ahaa Guddoomiyihii hore ee Gobolka Daadmadheedh uu noqdo Guddoomiyaha Cusub ee Gobolka Saraar.
𝐀𝐥𝐥𝐚𝐚 𝐌𝐚𝐡𝐚𝐝 𝐋𝐞𝐡

𝐂𝐚𝐛𝐝𝐢𝐫𝐚𝐱𝐦𝐚𝐚𝐧 𝐌𝐚𝐱𝐚𝐦𝐞𝐝 𝐂𝐚𝐛𝐝𝐢𝐥𝐥𝐚𝐚𝐡𝐢 (𝐂𝐢𝐫𝐫𝐨)
𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝