Israa’iil oo Ballaadhisay Howlgallada Dhulka ee Lubnaan, Xoojisay Amniga Xuduudaha Waqooyi

Dowladda Israa’iil ayaa shaacisay in ciidamadeeda dhulka ay ballaadhinayaan howlgallada ay ka wadaan gudaha Lubnaan, iyagoo qorsheynaya in ay la wareegaan goobo istiraatiiji ah oo ay u arkaan kuwo khatar amni ku ah.

Wasiirka Gaashaandhigga, Israel Katz, ayaa sheegay in go’aankan uu si wadajir ah ula qaatay Ra’iisul Wasaare, Benjamin Netanyahu, si loo xoojiyo amniga bulshooyinka ku nool xuduudaha waqooyi.

Sida lagu sheegay bayaanka, ciidamada Israa’iil waxay sii wadi doonaan weerarro ay ku beegsanayaan fariisimaha ururka Hezbollah ee gudaha Lubnaan, iyagoo ku tilmaamay tallaabadan mid looga hortagayo weerarro ka dhan ah Israa’iil.

Dhanka kale, Israa’iil waxay adkaysay in mudnaanta koowaad ay siinayso badbaadinta dadka ku nool gobolka Galilee, iyadoo sheegtay in amniga xuduudaha uu yahay waajib aan laga laaban doonin.