Hogaanka sare ee ciidamada bilayska
Somaliland ayaa shir jaraa’id oo ay arbacada 27 Febarwari ku qabteen xarunta
taliska guudee bilayska waxa ay kaga hadleen shil qof ku dhintay iyo dil 24-kii
saacadoood ee lasoo dhaafay ka dhacay magaalada hargeysa.
Taliyaha guud ee ciidmada Booliska
Somaliland Sareeye Gaas Cadbilaahi Fadal Iimaan oo ay hareero fadhiyaan
hogaanka sare ee ciidamada Booliska iyo nabadgaliyada wadooyinka ayaa sheegay in
wiil yar oo arday ahi uu ku geeriyooday shil gadhi oo ka dhacay xaafadda State
House-ka ee magaalada Hargeysa. Shilkaas oo ka dhashay isku dhaca bas siday
arday uu marxuumku ku jiray oo soo rawaxday iyo gaadhi iska rogo ah.
Taliye Fadal waxa uu sheegay in
labadii darawal ee gaadiidkaasi ay xidhan yihiin islamarkaana ay horgayn
doonaan sharciga. Waxa kale oo uu sheegay in Bilaysku ay baadhis iyo hubin ku
samayn doonaan darawalada gaadiidka ardayda qaada.
Taliyuhu waxa uu xusay in
maamuleyaasha dugsiyada ay masuuliyadi ka saaran tahay la xisaabtanka darawallada
gadiidka ardaydooda qaadaya.
Dhinaca kalana Sareeye Gaas
Cabdilaahi Fadal Iimaan waxa uu shaaciyay amaro iyo digniino xawaaraha socodku
ka mid yahay oo ay kusoo rogeen darawallada basaaska ardayda qaada.
Isla shirkan jaraa’id waxaa isna ka
hadlay afhayeenka ciidamada bilayska Somaliland ahna taliyaha ciidamada
nabadgaliyada wadooyinka gaashaanle dhexe Faysal Xiis Cilmi oo ka warramay dilka
nin shacab oo lagu magacaabi Jirey Naasir Faarax Cawil.
Afhayeenku waxa shaaciyay in ninkii geystay
falkaas oo Hargeysa ka dhacay oo lagu magacaabo Mukhtaar Koosaar Aadan iyo
mindidii uu dilka ku geystayba ay gacanta ku hayaan ciidamada bilaysku.
By admin
February 28, 2019
