Guddoomiye ku xigeenka guddida
ilaalinta iyo dabagalka hantida qaranka ee golaha wakiillada Somaliland
xildhibaan Cabdiqaadir Jaamac Xaamud ayaa sheegay in aan xabbad lagu xallin
karin khilaafka Puntland iyo Somaliland ee la xidhiidha deegaannada Bariga,
waxa aanu taas beddelkeeda soo jediyey in cod laga qaado dadka deegaankaas, si
loo ogaado dhinaca ay doonayaan in ay raacaan Somaliland oo ay dhul ahaan ka
tirsan yihiin iyo dawladgobaleedka Puntland oo isir ku sheeganaysa.
Waxa kale oo uu xildhibaan
Cabdiqaadir soo jeediyey in deegaanka Badhan ee gobalka Sanaag loo diro ergo
isugu jirta isugu jirta golaha wasiirrada iyo xildhibaanno ka war doona
xaaladda runta ah ee ka jirta deegaankas.
Xildhibaann Cabdiqaadir oo
khamiista 26-ka Sabtembar la hadlay telefishinkan CODKA BARIGA AFRIKA ayaa
intaas ku daray in xukuumadda Somaliland looga baahan yahay in ay la timaaddo
dadaal ay ku kasban karto bulshooyinka ku nool deegaanka badhan Sida uu hadalka
u dhigay. isaga oo sheegay in deegaankaas uu ka muuqdo haykalka dawladnimo ee
Somaliland.
Balse ay mararka qaar dhacdo in ay ciidamada qaar goostaan, taas oo uu sheegay aanay hoos u dhigayn awoodda ay Somaliland ku leedahay deegaanka. Sida uu hadalka u dhigay. Dhinaca kalena xildhibaan cabdiqaadir waxa uu sheegay in gobolka sanaag uu yahay goobtii ay nabada Somaliland ka jirtaa ka soo bilaabmatay balse ay nasiib daro tahay in iyada oo ahayd deegaan kii nabada waqti xaadir kan ay dagi la dahay. Waxa aanu intaas ku daray in xildhibaannada gobalkaas ka soo baxay oo tiradoodu ay 12 tahay ay wadahadal ka yeesheen sidii ay uga qayb qaadan lahaayeen nabadaynta deegaanka Ceel-Afweyn. Waxa aanu xukuumadda ka difaacay dadka ku eedaynaya in ay iyadu raalli ka tahay sii socoshada colaaddaas.
By Hussein Jama
September 26, 2019
